Foto/ EPA
Макс Ферстапен ја запиша 18. победа во сезоната, откако победи и на Големата награда на Лас Вегас. Холанѓанецот славеше 53.пат во кариерата, со што се израмни на вечната листа со Себастијан Фетел. Пред него сега се само Михаел Шумахер (91) и Луис Хамилтон (103).
Трката во „градот на гревот“ беше спектакуларна, не исзвесна од почетокот до крајот, возилото за безбедност два пати излегуваше на патеката, а речиси во секој од 50.круга имаше најмалку едно преткнување. Спектаклот на патеката кулминираше во последниот круг, кога во последниот свиок Шарл Леклер му ја украде втората позиција на Серхио Перез.
Ферстапен славеше и покрај тоа што доби казна од пет секунди, пред Шарл Леклер од Ферари, кој стартуваше од пол позицијата и тимскиот колега Серхио Перез. Мексиканецот трката ја започна од 11. место.
До 10.место се пласираа Естебан Окон (Алпин), Ленс Стол (Астон Мартин), Карлос Саинц (Ферари), возачите на Мерцедес Луис Хамилтон и Џорџ Расел, Фернадо Алонсо (Астон Мартин) и Оскар Пјастри (Мекларен).