Британецот Сем Брд триумфираше на првата Формула Е трка низ улиците на Рим во саботата за да скокне на второто место во генерален пласман во серијата на електрични болиди по седум трки.
Возачот на „ДС Вирџин“ сега е на само 18 поени зад Французинот Жан-Ерик Верњ, кој беше петти во кинескиот „Техитах“ тим на улиците на италијанската престолнина. Актуелниот шампион Лукас ди Граси беше втор за „Ауди“, а Андре Лотерер во вториот болид на „Техитах“ го комплетираше подиумот.
„Прекрасно е да се победи во овој град на оваа историска трка“, изјави Брд.
Швеѓанецот Феликс Росенквист стартуваше на пол-позицијата, но излета додека беше во водство во 23. круг.
Bird is the word in Rome! Congratulations @sambirdracing and @DSVirginRacing #RomeEPrix pic.twitter.com/HV3n57WaXu
— ABB Formula E (@FIAFormulaE) April 14, 2018