Поранешниот Ф1 возач на Мекларен и Ред бул, Дејвид Култард е победник на Трката на шампиони, откако го совлада поранешниот ВРЦ шампион Петер Солберг во финалето на стадионот „Крал Фахад“ во Ријад, Саудиска Арабија, победувајќи го 2:0.
Шкотланѓанецот го победи Норвежанецот во првата трка со Еуро НАСКАР автомобил за половина секунда пред, во следната трка со Вул 05 машина да победи со предност од 1.7 секунди. Ова е втора победа за него по триумфот во Барбадос во 2014, а овојпат до неа стигна без пораз.
Watch the moment when @therealdcf1 took his 2nd ROC victory against @Petter_Solberg! #ROCRiyadh pic.twitter.com/POwaVL0hlz
— #ROCRiyadh (@RaceOfChampions) February 3, 2018
Култард го победи деветкратниот шампион од 24 часа Ле Ман, Том Кристенсен во полуфиналето, додека Солберг, кој сега настапува во Реликрос шампионатот иако најави кам-бек во ВРЦ, го совлада својот тимски колега Јохан Кристоферсен во второто полуфинале.
Во саботата до тимската титула дојдоа Германците со ДТМ шампионот Рене Наст и двократниот шампион од 24 часа Ле Ман, Тимо Бернхард.
