Силниот и постојан дожд предизвика откажување на Мото ГП трката во Силверстон, по неколку часа одложување на стартот на трката.
И покрај обидите на организаторите да го избегнат предвидениот дожд и поместувањето на стартот на трката во 11.30 часот по локално време, постојаниот дожд значеше дека Британското ГП не можеше да се стартува. По состанокот меѓу тимовите и организаторот „Дорна“ беше отфрлена идејата трката да се презакаже за понеделник, бидејќи немаше достапни стјуарди на трката.
Трката прво беше презакажана за 14 часот, па за 15 часот по локално време, за во 16 часот (17 по македонско) да биде потврдено дека нема да има трка. Мото2 и Мото3 трките исто така се откажани.
Legends #BritishGP #MotoGP #Silverstone @Silverstone247 pic.twitter.com/yzX6FqoTI7
— Sean Williams (@SeanBwfc1992) August 26, 2018
Уште во саботата стана јасно дека возачите не се подготвени да ризикуваат на водена патека по инцидентот на тренингот, кога Тито Рабат падна и беше удрен од мотоциклот на Франко Морбидели добивајќи тројна фрактура на левата нога.
Последен пат Мото ГП трка беше откажана во Австрија во 1980 година, поради снег на патеката, иако Малезиското ГП во 2011 година беше „поништено“ по инцидентот во кој животот го загуби Марко Симончели.
Keep up to date with all updates ahead of the #MotoGP race at the #BritishGP ??LIVE ? https://t.co/ghDG3VvMon https://t.co/oo9cYOfEJm
— MotoGP™??? (@MotoGP) August 26, 2018