Светската автомобилистичка федерација (ФИА) најави дека ќе воведе нов техничка директива за сите Формула 1 тимови за да се намали ефектот на „потскокнување“ на болидите, кој се појави оваа сезона и од кој страдаат повеќе тимови, вклучувајќи ги и Мерцедес.
Таканареченото „porpoising“ кај болидите под новите правила имаше значително негативно влијание на возачите во последните трки – седумкратниот светски шампион Луис Хамилтон едвај излезе од својот болид поради болките во грбот на нерамната патека во Баку минатиот викенд, а на слични проблеми се пожалија и Пјер Гасли и Даниел Рикардо.
ФИА вели дека поаѓа од желбата да се заштити здравјето на возачите по физичкото влијание на потскокнувањето во последните трки.
„Техничката директива е поднесена кај тимовите со мерките кои ФИА ќе ги преземе за да се намине проблемот. Прво ќе има детално прегледување на дизајнот на подовите на болидите, и одредување на дозволено ниво на вертикални осцилации преку одредена математичка формула. Покрај овие краткотрајни мерки, ФИА ќе свика и состанок со тимовите за да се одредат мерките за подобрување на ситуацијата за возачите“, се вели во објавата на ФИА.
FIA takes steps to reduce porpoising in the interests of safetyhttps://t.co/XTs7zC4oKx
— FIA (@fia) June 16, 2022