Актуелниот светски првак во Формула 1, Луис Хамилтон, забележал најдобри времиња на првите слободни тренинзи во Мелбурн, во пресрет на првата трка во новата сезона, Големата награда на Австралија.
Британецот на првиот тренинг забележал време 1:23.599 минути. Тој за само 0.038 секунди бил побрз од Себастијан Фетел (Ферари). Блиску до Хамилтон бил и вториот возач на италијанскиот тим Шарл Леклер, кој задоцнил за 0,074 секунди.
Меѓу најбрзите на патеката за време на првиот тренинг биле уште и Макс Ферстапен (Ред Бул), Валтери Ботас (Мерцедес) и Кими Раиконен (Алфа Ромео).
Hamilton and Vettel separated by just 0.038s ?
Our first 90 minutes of fun in 2019 are in the book! Full classification ?#AusGP ?? #F1 pic.twitter.com/AXG8OjDvkn
— Formula 1 (@F1) March 15, 2019
На вториот тренинг Хамилтон возел 1:22.600 минути, а зад него бил неговиот колега Ботас. Зад возачите на Мерцедес биле пилотите на Ред Бул, Ферстапен и Пјер Гасли.
Квалификациите за првата трка во сезоната ќе се возат утре од 7 часот по средно европско време.