Луис Хамилтон го победи Себастијан Фетел на вториот тренинг на завршното Абу Даби ГП на патеката „Јас Марина“, откако беше 0.149 секунди пред Ферарито на Германецот. Третото место го освои Даниел Рикјардо во Ред бул со 0.164 секунди заостанување.
Макс Ферстапен имаше доста проблеми за да заврши зад Кими Раиконен и Валтери Ботас, меѓутоа тестирањето покажа дека разликата меѓу Мерцедес, Ферари и Ред бул е многу мала и може да не очекува тесна трка.
Хамилтон ја носеше посебната златна кацига за да ја прослави четвртата титула на светот, со која стана третиот најдобар возач во историјата на Ф1, заедно со Себастијан Фетел и Алан Прост, а зад Хуан Мануел Фанџо и Михаел Шумахер.