Луис Хамилтон, пред почетокот на сезоната во Формула 1, говорел за ривалството со Макс Ферстапен. Овие двајца водеа голема борба минатата сезона, која кулминираше на последната трка во Абу Даби. На крајот на котроверзен начин титулата ја освои возачот на Ред Бул.
Во пресрет на првата трка во сезоната, Хамилтон за разлика од Ферстапен, реши да ја спушти топката. Ферстапен пред два дена, ги провоцираше Мерцедес, со изјавата дека „болид на Мерцедес е грд“.
„Кога ќе го видам Макс во падокот, тогаш функционираме нормално. Се поздравуваме, се забележува дека се почитуваме. Заедничко ни е тоа што двајцата сакаме да возиме. На патеката двајцата сме големи борци. Таму пријателство не постои“, рекол седумкратниот шампион.
Новата сезона ќе започне во недела, со трката за Големата награда на Бахреин.