Тимот на Хас го претстави болидот за новата сезона. Болидот кој ја носи ознаката VF-22 ќе го возат Мик Шумахер и Никита Мазепин.
Американците први го претставија болидот за сезоната 2022. Од оваа сезона ФИА воведе нови регулативи, конструкторите најдоа поедноставно решение за предното крило, измени има на задното крило, нови регулативи има и за гумите на Пирели.
Хас, минатата сезона, настапуваше со болидот од 2020 година и не освои ниту еден поен.
„Ова е период од годината кога сите се оптимисти. Очекувам дека ќе ни се исплати напорната работа и дека сигурно ќе бидеме во конкуренција за освојување на бодови“, рекол сопственикот на тимот, Џин Хас.
Новата сезона во Формула 1 ќе започне на 20.март, со трката за Големата награда на Бахреин.
Spot the difference, with @HaasF1Team ?#F1 pic.twitter.com/heH5cZ2Wvw
— Formula 1 (@F1) February 4, 2022