Луис Хамилтон застана во одбрана на своето чувство како Британец, откако во текот на годините многумина го критикуваа петкратниот светски шампион за неговата посветеност кон татковината, бидејќи живее во Монако и неколку пати користеше офшор компании да заштеди на данок кон државата.
Хамилтон беше запрашан зошто луѓето честопати се сомневаат во неговата посветеност кон Британија.
„Се сеќавам кога раснев и го гледав Џенсон Батон и другите млади возачи, кои сите нормално живееја во Монако, но тогаш тоа не беше проблем. Но, кога јас го направив тоа, веднаш стана проблем“, вели 34-годишниот Хамилтон.
Возачот на Мерцедес честопати патува во САД и има „зимски дом“ во Колорадо, но посочува дека неговите родители живеат во Британија иако потеклото преку дедеото на таткото е од Гранада, остров на Карибите.
„Чувството е во срцето. И секако, јас сум целосно британски. Луѓето имаат право на свое мислење, но ако погледнете во Силверстоун има многу мои капчиња. Поддршката која ја добивам е фантастична и расте со секоја година. На секоја трка го кревам британското знаме гордо. Никој не го кревал толку високо, но во моментов тоа не е доволно“, додава Хамилтон.
Mind your speakers… ???
Quite the reception for home hero @LewisHamilton at the Silverstone Fan Forum earlier #BritishGP ?? #F1 pic.twitter.com/GBFDETwh8Y
— Formula 1 (@F1) July 13, 2019