Седумкратниот Ф1 шампион, Луис Хамилтон открива дека уште страда од ефектите од КОВИД-19, осум месеци по неговиот прв позитивен тест на вирусот.
Откако го освои третото место на Хунгароринг во трилер трка, тој призна дека се чувствува исцрпено, а потоа доцнеше на прес-конференцијата бидејќи беше на преглед кај тимскиот доктор на Мерцедес.
„Не сум зборувал досега, но мислам дека имам долг Ковид, и дека ефектите уште се тука. Се сеќавам на ефектите кои ги имав кога бев позитивен и иако тренирав потоа, се чувствував поинаку. Нивото на замор кој го чувствувам е многу поинакво и тоа е голем предизвик за мене. Се обидувам да се подготвам. Не знам што беше денеска, можеби не бев доволно хидриран. Имам вртоглавица и погледот ми е матен. Се обидувам дао станам здрав, но не е лесно“, изјави Хамилтон.