Актуелниот светски шампион во „кралската класа“, во Мото ГП шампионатот, Марк Маркез, поради ривалството со Валентино Роси, не е омилен помеѓу фановите во Италија.
Сепак она што го доживеа во пресрет на Големата награда на Италија е навистина морбидно.
На социјалните мрежи се појави фотографија на надгробна плоча на која е датумот нараѓање на младиот Шпанец, но и датумот на смртта 3.јуни 2018, односно за време на утрешната трка во Муџело.
Инаку, трката во Муџело Маркез ќе ја започне од шестата позиција, а неговиот голем ривал Роси е на пол-позицијата.
