Хорхе Мартин ја забележа својата трета победа во Мото ГП сезоната 2023 година, откако победи на Јапонското ГП. Трката на Мотеги беше прекината набргу по минување на половина од круговите поради поројниот дожд кој ги направи условите премногу опасни.
Почна да врне неколку минути пред почетокот на подготвителниот круг, но сепак трката започна според планот и сите ги носеа мазните гуми. Веќе на крајот од првиот од предвидените 24 круга, сепак, имаше масовно влегување во боксот за да се префрлат на влажни гуми.
Мартин со својата победа денеска се доближи на три поени од Бањаја во битката за светската титула. Трет во поредокот е денешниот четвртопласиран Беѕеки, чија негатива, сепак, изнесува дури 54 бода.
Битката за светската титула во 2023 година во кралската класа ќе продолжи за две недели со Големата награда на Индонезија на патеката Мандалика.