Французинот Себастиен Ожие ја отвори одбраната на титулата во рели ВРЦ шампионатот со убедлива победа на Монте Карло релито, одбележено со многу инциденти.
До 41. победа во кариерата, возачот на М-Спорт Форд стигна откако во последниот ден имаше 33.5 секунди пред От Танак (Тојота), предност која беше доволна за триумф. Пред последната етапа тој ја зголеми предноста и по четири дена акција Танак беше втор со 58.3 секунди послабо време. Финецот Јари-Мати Латвала беше трет со 1:52 заостанување.
Whoa, close call with Sebastien Ogier during @OfficialWRC – Watch out, pup ?. Get the latest from Monte Carlo: https://t.co/jVls6BQKam pic.twitter.com/DlkNm0wS4T
— Motorsport.com (@Motorsport) January 27, 2018
Ожие лани дојде во тимот на М-Спорт откако освои четири титули во низа со Фолскваген, но германската компанија се повлече од шампионатот по скандалот со дизел-моторите. И покрај тоа, со послаб автомобил тој лани повторно стигна до титулата.
Овојпат, Ожие победи во само четири од 17-те етапи на релито, но имаше одличен старт по кој ривалите не успеаја да го совладаат.
Следното рели на календарот е снежното рели во Шведска од 15 до 18 февруари.