Иако на пол-позицијата трета година по ред стартуваше Шарл Леклер во Ферари, Ред бул рејсинг покажаа дека го имаат најдоминантниот болид во шампионатот, остварувајќи 1-2 победа на Азербејџанското ГП во Баку, откако Серхио Перез имаше повеќе среќа и умешност во клучните моменти од трката пред својот колега, Макс Ферстапен.
Ферстапен го совлада Леклер уште во третиот круг од трката, а потоа истото го направи и Перез, а клучниот момент беше излетувањето на Ник де Фрис од Алфа Таури, по што следуваше влегувањето во боксот, по кое Перез излезе како прв пред Леклер и Ферстапен. До крајот на трката, Ферстапен пак лесно го помина Леклер, но немаше сили да го стигне својот колега, откако Мексиканецот се покажа како мајстор за улични трки.
Ова е шеста победа во кариерата на Чеко Перез и втора во Азербејџан и го комплетира совршениот викенд за Мексиканецот, кој вчера победи и во спринтерската трка.
Леклер мораше да се задоволи со местото на подиумот на третото место, откако возачите на Ред бул го поминаа со неверојатна леснотија – Ферстапен беше 30 км/ч побрз од него при претекнувањето. Фернандо Алонсо по трите трети места во низа, заврши како четврти за Астон Мартин, далеку пред вториот возач на Ферари, Карлос Саинс Јуниор. Во поени беа и Луис Хамилтон во Мерцедес на шестото место, Ленс Строл во Астон Мартин, Џорџ Расел во вториот Мерцедес, Естебан Окон во Алпин и Лендо Норис во Мекларен на десеттото место. Расел во последниот круг од трката го постигна најбрзиот круг и доби дополнителен поен.
📻😀 "¡VAMOOOOOOOOOOOOOS!".
El grito de Sergio Pérez tras conquistar Bakú por segunda vez este fin de semana.
Que no se descuide Max… #AzerbaijanGP pic.twitter.com/7IUmDjnDXL
— F1 en Movistar Plus+ (@movistar_F1) April 30, 2023