Возачот на Ферари, Кими Раиконен, ја освои пол-позицијата во пресрет на трката за Големата награда на Италија, што ќе се вози утре на легендарната патека во Монца. Задоволството во редовите на Ферари е уште поголемо, бидејќи на втората позиција во квалификациите заврши Себастијан Фетел.
Најдобрите пилоти во Формула 1, на публиката во Монца и приредија вистински спектакл во квалификациите, а Раиконен најдоброто време го постави во последниот круг, откако ги надмина времињата најпрвин на Луис Хамилтон од Мерцедес, а потоа и на колегата Фетел.
Финецот забележа време 1:19.119 минути, зад него Фетел задоцни за 0.161 секунди, а Хамилтон за 0.175 секунди.
Кругот што го возеше Раиконен е најбрзиот во историјата на оваа легендарна патека.
Q3 CLASSIFICATION: It’s a front row lockout for @ScuderiaFerrari ? #ItalianGP ?? #F1 pic.twitter.com/Y15EboDNS3
— Formula 1 (@F1) September 1, 2018