Напаѓачот на фудбалската репрезентација на Русија, Артем Дзјуба и напаѓачот на „Азурите – Андреа Белоти се фудбалерите кои најчесто се наоѓаа во недозволена позиција на завршеното ЕП во фудбал.
И Русинот и Италијанецот по седумпати биле уловени во офсајд позиција.
Белоти настапи на 6 меча на турнирот, и во синоќешното финале влезе во игра продолженијата од натпреварот, па на ЕП помина 220 минути на теренот.
Од друга страна, Дзјуба иако настапи на само 3 натпревари, на тревникот помина 265 минути.
Трет на неславната листа е уште еден Италијанец кој баш и не се прослави на првенството – Чиро Имобиле. Тој шестпати беше во офсајд, а на ЕУРО одигра вкупно 447 минути.