ЕУРО 2020 не започна баш најдобро. Иако шампионатот беше поместен од 2020 за 2021 година поради пандемијата на коронавирусот, сега, уште на стартот, во првото коло од групата Б светот виде страшн сцени во Копенхген. Кристијан Ериксен за миг и побегна на смртта.
Неубави сцени видовме и на синоќешниот меч во Русија, меѓу домаќинот и Белгија.
Бекот на Лестер кој го носи дресот на „црвените ѓаволи“ – Тимоти Кастањ мораше да го напушти теренот во 27 минута откако се судри со рускиот репрезентативец Далер Кузјаев. Судирот со главите беше силен, а Кастањ помина многу полошо од Кузјаев.
Белгиецот има скршеница на очната шуплина, силно крвареше, а по оваа повреда за него ЕУРО е завршено.
„Навистина лоши вести, многу сум тажен што ќе останеме без Тимоти до крајот на првенството. Извршено е снимање, има двојна скршеница и сега ќе мора на лекување“ изјави селекторот Роберто Мартинез.
Победата на Белгија од 3-0 е во сенка на повредата на дефанзивецот.