Фудбалската репрезентација на Србија, од ноември е без селектор. Љубиша Тумбаковиќ замина откако не успеа во баражот за ЕУРО 2021 да ја победи Шкотска.
Неколку имиња се поврзуваа со жешкото столче, но долго време како прв фаворит се издвои Драган Стојковиќ Пикси.
Сепак двете страни се уште не постигнале договор, а до стартот на квалификациите за пласман на Светското првенство, има уште еден месец.
„Спортски журнал“, пишува дека од Фудбалскиот сојуз на Србија подготвиле богата понуда. Тие на Пикси му нудат месечна плата од 50.000 евра, што на годишно ниво изнесува 600.000 евра.
Исто така доколку избори пласман на СП во Катар, Пикси би добил бонус од 1.000.000 евра.
Србија во кавлификациите ќе игра против Португалија, Република Ирска, Луксембург и Азербејџан.