Поранешниот напаѓач на Јувентус и Наполи, Микеле Падовано (56) е ослободен од обвиненијата за продажба на дрога, пренесува „Ла Република“.
Падовано беше уапсен во 2006 година под сомнение дека препродавал хашиш. Обвинителството побара затворска казна од 24 години, но тој е осуден на шест години и осум месеци.
Претходно Падовано Касациониот суд ја поништи пресудата, која потоа падна и пред Апелациониот суд.
„Пред 16 години светлината во мојот живот згасна. Денеска темнината се расчисти, за малку ќе ослепев, но повторно ми се стопли срцето и се расплакав. Им благодарам на правдата, на адвокатите, на сопругата, на синот и на сите кои секогаш веруваа во мене“, изјави Падовано.
„Никогаш не се сомневавме во невиноста на нашиот клиент. Многу ни е драго што темелното разгледување на случајот од страна на Апелациониот суд конечно му го врати достоинството и животот на Падовано“, додадоа адвокатите Микеле Галасо и Џакомо Францини.
Tre mesi di carcere, otto di arresti domiciliari, cinque con obbligo di firma. Assolto dopo 17 anni. Tanti auguri a Michele Padovano.pic.twitter.com/S1mBkFyXeJ
— Luciano Capone (@lucianocapone) February 1, 2023