Третопласираниот тим во Премиер лигата, Њукасл, во третото коло го заврши учеството во ФА купот. Шефилд Венсдеј, екипа која се натпреварува во Третата англиска лига, го елиминираше фаворитот со победата од 2:1.
Шефилд Венсдеј, тимот кој моментално е на второто место во третата лига на Англија, направи големо изненадување елиминирајќи го Њукасл. Поранешниот член на елитата два гола постигна во второто полувреме преку Џош Виндас, кој погоди во 52. и 66. минута.
Голот за Њукасл го постигна во 69. минута Бруно Гимараеш. По постигнатиот гол Њукасл изврши опсада на гоот на Шефилд Венсдеј, но резултатот не се менуваше.
Најголем виновник за тоа е репрезентативецот на Нов Зеланд, Крис Вуд кој во 82.минута промаши „мртва шанса“. Вуд беше сам пред голманот на Шефилд Венсдеј, но неговиот удар од 15 метри заврши високо над голот.