Ова лето лондонски Челси во своите редови за сума од 115 милиони евра го доведе Белгиецот, Ромелу Лукаку. И минатото лето „сините“ се засилија со напаѓач, од Лајпциг во Лондон се пресели Тимо Вернер за 53 милиони евра.
Во 2003 година рускиот милијардер Роман Абрамович одлучи од просечен англиски клуб Челси да го направи европски и светски гигант, и успеа во тоа.
Во неговата ера Челси освои 5 титули во Премиерлигата, пет трофеи во ФА купот и двапати го освои пехарот во Лигата на шампионите.
Со последните пари платени (на Интер) за Лукаку, Челси во ерата на Абрамович за нови играчи потрошиле 2,34 милијарди евра. Со тоа, според податоците на „Трансфермаркт“ го претркаа Манчестер Сити кој во овој период за играчи потроши 2,24 милијарди евра.
На третото место на оваа листа е Барселона со 1,98 милијарди евра, додека Реал Мадрид е зад нив, со 1,91 милијарди евра.
Топ 5 листата ја затвора Манчестер Јунајтед кој за играчи потроши 1,82 милијарди евра.
