Камерунскиот напаѓач Винсен Абубакар, кој по кариерата во Порто и Бешикташ го заработува својот „фудбалски леб“ во Ал-Наср во Саудиска Арабија, влезе во напад на Мохамед Салах, сметајќи дека е на негово ниво, но дека за него се зборува само бидејќи игра во Ливерпул.
По спориот старт на сезоната, Салах се врати со 9 гола во последните 8 меча за Ливерпул и повторно за него има само пофални зборови во медиумите.
„Не сум импресиониран. Можам да го направам истото што го прави и тој, само што не добив шанса да играм во голем клуб. Ги сфаќам луѓето, тој е еден од најдобрите стрелци во Премиерлигата и затоа зборуваат. Но, тоа е моето мислење и не ми е грижа“, вели 30-годишниот Абубакар.
Ова не е првпат тој да го има Салах како „мета“, откако на Африканскиот куп на нации во февруари имаше критики за Египќнецот.
„Да, прави добри работи бидејќи е во клуб во кој е веќе четири години. Добар е, но не на нивото на Килијан Мбапе. Дава многу голови, но не придонесува многу во играта на неговиот тим“, кажа тогаш Абубакар.