Емануел Адебајор „удри“ по својот поранешен клуб Арсенал поради нивното однесување кон Пјер-Емерик Обамејанг, кој не само што ја загуби капитенската лента кај „топчиите“, туку е целосно исфрлен од менаџерот Микел Артета поради дисциплински прекршоци.
Се верува дека Арсенал се подготвени веднаш да го продадат Обамејанг, и поранешниот тогоански репрезентативец Адебајор поучен од сопственото искуство вели дека за него нема враќање во составот.
„Тие никогаш не знаат да простат, така што знам низ што поминува. Тој е фантастичен фудбалер, му посакувам најдобро во иднина во некој друг клуб. Сите сакаме да се врати во форма. Дали го сакаме или не, тој е наш африкански брат и сакаме да ја претставува Африка како и досега. Не верувам дека има пат назад во Арсенал, бидејќи и мене ми се случи истото“, вели Адебајор.
Арсенал го купија Адебајор од Монако во 2006 година, и беше клучен играч во тимот, пред во 2009 година да замине во Манчестер сити. Во првиот меѓусебен меч, тој постигна гол при 4:2 победата над Арсенал, по што истрча цел терен за да слави провокативно пред навивачите на Арсенал.
"That's Arsenal for you, they never know how to forgive."
Former Arsenal striker Emmanuel Adebayor has his say on Pierre-Emerick Aubameyang's future and believes it is not the player with the issue, but the club. pic.twitter.com/rTIkkffn7h
— Sky Sports News (@SkySportsNews) January 24, 2022