Сонот за неверојатна тројна титула останува кај Ајакс, откако тие со 4:0 го совладаа тимот на Вилем Втори на „Де кујп“ во Ротердам за да го освојат Холандскиот куп.
„Копјаниците“ го пречекуваат Тотенхем во реваншот од полуфиналето во Лигата на шампионите по 1:0 победата во Лондон, а исто така се во „мртва трка“ со ПСВ Ајндховен за трофеј од Ередивизие (на два меча пред крајот Ајакс е лидер поради подобрата гол-разлика со ист број на поени).
Дејли Блинд им донесе водство против Вилем Втори, пред ветеранот Клас-Јан Хунтелар да постигне два гола, а Расмус Нисен Кристенсен ја потврди победата за прв трофеј од холандскиот куп од 2009/10.