Ајакс Амстердам ја прославијa својата 35. титула во Холандија, откако со 4:0 победата над Емен ја обезбедија титулата на четири меча пред крајот на сезоната.
Јуриен Тимбер, Себастиен Але, Дејви Класен и Девин Ренш постигнаа голови за Ајакс пред празните трибини на „Јохан Кројф Арената“, иако пред стадионот имаше собрано илјадници навивачи со знамиња, пиротехника и песна.
Тимот на Ерик Тен Хаг има 15 поени предност пред второпласираниот ПСВ Ајндховен, а претходно го обезбедија и Холандскиот куп со 2:1 победата над Витесе пред две недели.
Минатата сезона во Холандија немаше шампион откако првенството беше прекинато во март поради пандемијата на КОВИД-19, иако Ајакс беше прв на табелата.