Ајнтрахт Франкфурт го потврдија трансферот на холандскиот напаѓач Бас Дост од Спортинг Лисабон со тригодишен договор, во обид да го засилат нападот откако ги загубија своите двајца најдобри напаѓачи – Лука Јовиќ (Реал Мадрид) и Себастиен Алер (Вест хем).
Покрај заминувањата на Јовиќ и Алер, се шпекулира дека и Хрватот Анте Ребиќ е пред трансфер, така што пристигнувањето на 30-годишниот Дост треба да го засили нападот. Тој има доста големо искуство во Бундеслигата, бидејќи играше за Волфсбург од 2012 до 2016 година.
Ајнтрахт се десетти во Бундеслигата со една победа и еден пораз во двете кола од новата сезона.
„Со заминувањето на Алер, моравме да најдеме достојна замена со големо искуство, за веднаш да ни помогне. Бас ги има сите овие квалитети и добро ја познава Бундеслигата“, вели спортскиот директор Фреди Бобич.
CONFIRMED: Eintracht have completed the signing of striker Bas Dost from @SportingCP_en on a three-year contract. Welcome aboard, Bas! ?#SGE pic.twitter.com/6uxr7TIEH9
— Eintracht Frankfurt (@eintracht_eng) August 26, 2019