Академија Пандев по второто коло во македонската Прва лига се наоѓа на првото место со 4 поени, колку што имаат и Шкупи, Ренова и Струга, откако во вечерниот меч со 2:0 го совлада Работнички постигнувајќи два гола од пенал во второто полувреме.
Стрелец на двата гола за струмичкиот клуб беше Мартин Мирчевски, во 73. минута и во 86. минута од мечот за три поени на тимот на Александар Васоски, кој во следното коло гостува на Тиквеш. Работнички дома го пречекува тимот на Струга.
Фото: ФК Работнички