Менаџерот на Евертон, Сем Алардајс вели дека легендата на Манчестер јунајтед и на англиската репрезентација, Вејн Руни секогаш се мачел против најдобрите во Премиер лигата.
Руни, најдобриот стрелец во историјата на англиската репрезентација, во последно време игра во средниот ред и беше заменет по еден час игра при 0:0 дербито со Ливерпул. Руни не криеше дека е незадоволен од замената, но Алардајс потоа изјави дека ниту еден играч не е „толку голем“ да не може да биде сменет.
Алардајс нема многу опции во центарот на теренот и признава дека Руни ќе биде декласиран од подобрите тимови.
„Се согласувам дека Вејн се мачи против најдобрите противници. Не играше добро првото полувреме против Манчестер сити, но претходно беше одличен и во последно време имаме проблем со средината. Играме со Том Дејвис, кој има 19 години, а го внесуваме и Бени Банигајм, кој има само 19“, вели Алардајс.
Евертон ќе игра против Свонси следнито викенд и Алардајс потврди дека по анализата на играта против Ливерпул ќе одлучи дали Руни ќе биде во стартниот тим.
„За мене е едноставна одлука. Го гледам натпреварот, а потоа го анализирам. Кога ќе ги видиме сите податоци и ќе донесеме одлука. Не е важно кој е играчот“, вели Алардајс.
Фото: ЕПА