Иако постоеја шпекулации дека мечот од квалификациите за СП 2022 помеѓу Албанија и Англија нема да се одигра поради „недостаток на полицајци“, на крајот Албанската фудбалска федерација потврди дека нема да има проблеми за мечот.
Мечот на „Ер Албанија“ е гарантиран откако државната полиција објави дека се направени сите мерки на претпазливост – местата за излегување во близината на стадионот ќе бидат затворени, а ќе бидат и блокирани улиците при пристигнувањето и заминувањето на англиската репрезентација.
Двете репрезентации квалификациите ги почнаа со победи – Англија со 5:0 го торпедираше аутсајдерот Сан Марино, додека Албанија на гости ја совлада Андора со 1:0.