Пред утрешниот меч од квалификациите за Европското првенство во 2024 година на „Олд Трафорд“, Езѓан Алиоски вели дека мотивацијата во репрезентацијата е голема и покрај поразот од Украина во Скопје и покрај водството од 2:0. Англија, несомнено, е голем фаворит во мечот, но Алиоски вели дека нема прадавање на славниот стадион.
„Ова е специјален момент за сите, посебно за играчите кои се првпат во Англија и гледале натпревари на овој терен од Лигата на шампионите и од Премиер лигата. Сите ќе уживаат, а ако сме подготвени ментално и имаме дисциплина, можеме да направиме нешто тука. Сите знаеме дека нема да биде лесно, дека Англија е голем фаворит, ама ние никогаш не губиме надеж и не се предаваме. Затоа дојдовме тука, да играме“, изјави Алиоски.