Амиен побара од своите фанови да ја потпишат петицијата против одлуката на Лига 1 да ги прати во втора лига со предвремениот крај на сезоната, велејќи дека е потребна „правда“.
Одлуката на француската влада да ги забрани сите спортски настани до септември поради корона вирусот значеше предвремен крај на шампионатот во моменти кога повеќето клубови имаа по 10 натпревари за играње и ЛФП објави дека конечната табела се одлучува според поени-по-натпревар. Ова значеше дека Амиен има 0.14 помалку поени од Ним, што значи дека тие заедно со Тулуз одат во Лига 2.
Клубот откри дека размислува за тужба против лигата, а сега побараа навивачите да се потпишат на онлајн петицијата.
„По одлуката Амиен да биде пратен во Лига 2 по само 28 натпревари, ние покренавме петиција за да се бара правда во оваа одлука која се противи на ферплејот. Амиен бара ЛФП да ја разгледа позицијата и да формира Лига 1 со 22 клуба за 2020/21. Навивачи на Амиен и фудбалски љубители поддржете ја нашата иницијатива за фер спорт“, се вели на веб-сајтот на клубот.
На местото на Тулуз и Амиен, ЛФП одлучи од следната сезона прволигаши да се Лориен и Ленс.
Supporters Amiénois et amoureux du football, signez la pétition de l'Amiens SC ! ?
Retweetez au maximum pour que justice soit faite face à la décision de la LFP qui va contre l'équité sportive ! ⚫️⚪️ https://t.co/Kz1Cs32nGA via @ChangeFrance
— Amiens SC (@AmiensSC) May 4, 2020