Анчелоти ја отфрли идејата Роналдо да се врати во Реал Мадрид

Тренерот на Реал Мадрид, Карло Анчелоти ги отфрли шпекулациите дека планира да го врати Кристијано Роналдо во шпанската престолнина.Петкратниот освојувач на „Златната топка“ имаше успешна деценија во Реал, но си замина со изнеадувачки трансфер во Јувентус во 2018 година. Сега тој влегува во последната година од договорот со италијанскиот клуб и шпекулациите велат дека Реал Мадрид, Манчестер сити или Пари Сен-Жермен се неговите посакувани следни дестинации.

Анчелоти преку Твитер порача дека нема вистина во овие шпекулации.

„Кристијано е легенда на Реал Мадрид и ја има целата моја почит и љубов. Никогаш не размислував да потпишам со него. Гледаме напред. Хала Мадрид“, напиша Анчелоти.

Cristiano es una leyenda del Real Madrid y tiene todo mi cariño y respeto. Nunca me he planteado ficharle. Miramos hacia adelante. #HalaMadrid

— Carlo Ancelotti (@MrAncelotti) August 17, 2021