Фудбалерите на Реал Мадрид одиграа нерешено (1:1) против Осасуна во натпреварот од седмото коло на Примера и со тоа ја прекинаа победничката серија. Ремито предизвика бурни реакции во јавноста, а тренерот Карло Анчелоти смета нема причина за загриженост.
„Секогаш е драма кога Реал Мадрид не победува. Немаме оправдување за ова реми бидејќи тимот беше силен и покрај отсуствата. Досега игравме многу добро нво првенството, но се случуваат и вакви натпревари. Не се сомневам дека ќе се подобриме на следниот натпревар“, изјави Анчелоти.
Дополнителна драма на натпреварот донесе Карим Бензема кој го промаши пенал во 77.минута.
„Размислував и за промена на изведувачот на пенали, но објективно Карим е најдобриот што го имаме. Минатата сезона реши да ги шутира двата најважни пенали и погоди. Поради тоа решив да не го менувам“, изјави Анчелоти.
Реал во наредната рунда ќе гостува кај Хетафе.