Андреа Пирло се враќа во Италија каде пронајде нов ангажман. Легендата на италијанскиот фудбал ја прифати понудата да биде нов тренер на Сампдорија, клубот кој оваа сезона испадна од Серија А.
Ова е негов трет тренерски ангажман во кариерата откако го предводеше Јувентус, а потоа и турскиот Караѓумрук. Тој потпишал двегодишен договор со клубот со можност за продолжување за уште една дополнителна сезона.
Пирло доби отказ во Турција кон крајот на сезоната. Вкупно, турскиот клуб го водеше на 31 натпревар и имаше сооднос од девет победи и по 11 нерешени резултати и порази.