Легендарниот поранешен тренер на Милан, Ариго Саки, креаторот на силниот европски Милан од почетокот на 1990-тите, исто така е против плановите за Европската Суперлига во која неговите „росонери“ се еден од 12-те основачи.
„Фудбалот е нешто добро за човештвото и овој прекрасен спорт не смее да биде ограничен на дневна соба за малку избрани. Не смееме да изградиме блок за сите акционери, но посебно за фановите. Фудбалот е за сите, и на тоа треба да се потсетуваме почесто. Не смееме да им ја одземеме амбицијата за успех и победа на малите клубови, кои се мали денеска, но во иднина можат да бидат големи. Сите клубови мора да имаат надеж, да сонуваат да ја освојат Европа и да играат на еднакво со големите“, вели Саки.
Саки, кој освои две европски титули едноподруго со Милан во 1989 и 1990 година, вели дека фудбалот не треба да има идоли.
„Новиот фудбал мора да има јасни идеи и сериозно да работи на финансиските и техничките аспекти и мора да ја избегне опасноста на цикличниот бизнис, на негативните финансии. Не треба да правиме идоли и икони. Тоа не сум го практикувал јас и моите тимови секогаш имале етички вредности“, додава легендарниот тренер.