Арсенал го комплетираа трансферот на Бен Вајт од Брајтон за фантастични 50 милиони фунти, носејќи го засега најголемото засилување на тимот на Микел Артета.
23-годишниот Вајт со потпишувањето на четиригодишниот договор (до 2025), е трето засилување на „топчиите“ по Нуно Тавареш (Бенфика) и Алберт Самби Локонга (Андерлехт). Вајт ќе го носи бројот 4 во Арсенал и се очекува да дебитира на пријателскиот меч против Челси веќе во недела.
„Бен беше прва цел за нас и одлично е што го добивме неговиот потпис. Тој помина обука со два многу добри клубови, Брајтон и Лидс и е интелигентен дефанзивец кој е стабилен на топката и неговиот стил на игра совршено ни одговара. Со неговата младост, тој е потпис за иднината“, вели менаџерот Микел Артета.
Вајт дебитираше за англиската репрезентација на стартот на јуни на пријателските мечеви со Романија и Австрија, а исто така беше дел од тимот за ЕУРО 2020, иако не одигра ниту една минута.
Sorry we're late…
Traffic was a nightmare ? pic.twitter.com/sO1T9981Rw
— Arsenal (@Arsenal) July 30, 2021