Само неколку дена пред почетокот на новата сезона во Премиер лигата, шампионот Арсенал договори голем трансфер. Како што ексклузивно објави британскиот јавен сервис Би-Би-Си, „топџиите“ ќе влезат посилни во новата сезона за англискиот репрезентативец Езри Конса. Од трансферот неговиот поранешен клуб Астон Вила ќе заработи над 51 милион фунти (околу 59,4 милиони евра), со дополнителни бонуси.
Британскиот јавен сервис пишува дека 28-годишниот дефанзивец ќе пристигне во Лондон во текот на денот на медицински прегледи пред официјално да го потпише договорот.
Овој потег на Микел Артета и раководството на клубот е очекуван, бидејќи Арсенал се соочи со сериозни проблеми во одбраната пред стартот на сезоната.
Повредата на грбот заработена во полуфиналето на Светското првенство против Шпанија го остави клучниот стопер Вилијам Салиба надвор од терените барем до средината на октомври. Додадете ги на тоа долгорочните проблеми со препоните на Јуриен Тимбер, а менаџерот на „топџиите“ остана без стабилност на десната страна од одбраната.
Откако преговорите за Џарел Кванса со Леверкузен пропаднаа, Арсенал целосно се фокусираше на Кванса. Искусниот стопер може со голем успех да ја покрива и позицијата десен бек.
Конса имаше одлична сезона зад себе: одигра 48 натпревари за Вила, го крена трофејот од Лигата на Европа и ги одигра сите натпревари за репрезентацијата на Англија на патот до третото место на Светското првенство.
Foto/ Depositphotos