Тренерот на Арсенал Микел Артета најави дека Пјер-Емерик Обамејанг наскоро би можел да го продолжи договорот со клубот. Договорот на најдобриот играч на Арсенал истекува наредното лето, доколку не го продолжи клубот ќе мора да го продаде.
„Имавме убав разговор со него и неговиот менаџер, верувам дека наскоро ќе постигнеме договор. Тоа е она што јас го чувствувам“, рекол Артета.
Арсенал во преодниот рок сака да ја засили одбраната со Габриел Магаљаеш пд Лил.
„Долго време го следиме, се надевам дека ќе ја завршиме работата. Понекогаш финалната фаза од преговорите не е воопшто лесна. Верувам дека ќе го комплетираме договорот“, истакнал Артета.
Арсенал минатата сезона ја заврши на осмото место, но успеа да стигне до трофејот во ФА купот.