Менаџерот на Арсенал, Микел Артета не сакаше да дава прогноза за борбата за титулата во Премиерлигата по 2:2 ремито на гости кај Ливерпул.
Овој резултат значи дека „топчиите“ остануваат на шест поени пред Манчестер сити, но тимот на Пеп Гвардиола има натпревар помалку, а исто така ќе треба да ги „нагостат“ Арсенал на „Етихад“ во можеби клучен момент, по што гол-разликата би го одлучуваа шампионот.
„Многу интензивен натпревар. Го имавме мечот под контрола, а потоа примивме лесен гол и текот се смени. Започнавме добро во второто полувреме, но потоа ја загубивме контролата и стана хаотично. Ливерпул можеа да дадат три или четири гола, но на крај мислам дека резултатот е фер. Не видовме некој друг тим кој доминира на овој стадион оваа сезона. Ги победија сите големи тимови, а против Реал Мадрид можеа да дадат четири гола. Морате да се справите со тоа, и мислам дека нашиот голман беше најдобар тука. Што значи за титулата? Одиме понатаму. Главно е да ги убедам моите играчи да продолжат да играат како во првите половина час“, изјави Артета.