Артур Мело ќе се врати во Јувентус на крајот на сезоната 2022/23 по крајно разочарувачката позајмица во Ливерпул, иако Јирген Клоп не жали за неочекуваниот трансфер.
Бразилецот одигра еден меч за „црвените“ – односно само 13 минути во мечот од Лигата на шампионите против Наполи на гости, неколку дена откако пристигна во клубот. Оттогаш, тој одигра двапати по 90 минути во Премиерлига 2, играјќи за младинскиот тим на Ливерпул, а имаше и еден настап за У-21 тимот во ЕФЛ трофејот против Рочдејл.
Позајмицата ги чинеше Ливерпул 4.5 милиони евра, плус дел од неговата годишна плата од 5 милиони евра, и тие нема да ја активираат клаузулата за трансфер од 37.5 милиони евра.
„Неговиот професионализам и способност беа јасни за сите кои работеа со него“, изјави Клоп.
Се очекува Јувентус да го продаде во текот на летниот преоден рок.