Фудбалерите на Астон Вила уште еднаш потврдија дека се главни фаворити за титулата во Лигата на конференции.
Екипата на Унаи Емери, во Холандија го декласира АЗ Алкмар со 4:1.
Тимот од Бирмингем по 23 минути поведе со 2:0 со головите на Бејли и Тилеманс. Предноста играчите на Вилка ја удвоија во првите 10 минути од вториот дел преку Воткинс и Мекгин, за Садик да го ублажи поразот на домаќините.
Во групата Б Гент го демолираше Бреидаблик од Исланд со резултат 5:0. Астана победи во Приштина против Балкани со 2:0 во Ц груата, а Клуб Бриж беше подобар од швајцарски Лугано со 3:1 на гостински терен во групата Д.
Турски Фенербахче продолжи да победува. Клубот од Истанбул вечерва беше подобар од Лудогорец, во групата Х, со 3:1.
Фенер поведе во 42. минута со голот на Миши Башуаи, Словенецот Миха Зајц зголеми на 2:0, а надежите на Бугарите со автогол ги врати Родриго Бекао, но Зајц го реши прашањето на победникот со својот втор гол во самиот финиш. .