Аталанта синоќа доживеа дебакл од Ливерпул (5-0) на домашен терен во третото коло во групната фаза на ЛШ. Беше тоа прв меч сезонава во елитното натпреварување на кој екипата од Бергамо не постигна погодок.
Освен тоа, Аталанта синоќа стана рекордер во ЛШ. На нејзините натпревари паѓаат повеќе голови за разлика од било кој друг клуб во ова натпреварување.
Ова беше 12-ти меч за „сино-црните“ во Лигата на шампиони, а досега на овие натпревари паднаа 48 гола, Аталанта даде 23, а прими 25. Просекот е 4 гола по меч, најмногу во конкуренција на клубовите кои одиграле најмалку 10 средби во овој формат.
Досегашен рекордер беше белградска Црвена Звезда. На 12 средби на „црвено-белите“ во ЛШ во просек паѓале по 3.8 гола на меч.
4.0 – Atalanta's 12 Champions League matches have seen a total of 48 goals (23 scored & 25 conceded), at an average of four per game; this is the highest goals per match average for any side with 10+ games in the competition. Rollercoaster. pic.twitter.com/PrL5P5J9iq
— OptaJoe (@OptaJoe) November 4, 2020