Foto/ EPA
Фудбалерите на Атлетик Билбао го добија дербито на Баскија, едно од најголемите во шпанскиот фудбал.
На домашен терен Атлетик славеше над Реал Сосиедад со 2:1 во 20. коло од шпанската лига.
Атлетик одличната игра во првиот дел ја круниса со два гола. Во интервал од 13 минути стрелец беше Алехандро Беренгер во 30. и 43. минута.
Во 87. минута фудбалерите на Сосиедад успеаја само да го намалат резултатот на 2:1, а во листата на стрелците се запиша капитенот Микел Ојарзабал.