Атлетико Мадрид на необичен начин одлучи да одговори на сè шпекулациите, околу евентуалниот трансфер на нивниот играч Хулијан Алварез во Барселона. Клубот објави серија саркастични пораки на социјалните мрежи, јасно насочени кон медиумите.
Бизарна понуда за Јамал
Се чини дека клубот е фрустриран од гласините дека трансферот на Аргентинецот е завршен, па затоа се огласија на социјалната мрежа „X “со неколку објави.
Сè започна со пораката: „За неколку минути ќе објавиме соопштение на релевантна тема што генерира многу дезинформации“.
Набргу потоа, клубот објави фотомонтажа од Ламин Јамал во дресот на Атлетико со следната порака насочена кон исмејување на добро познатиот инсајдер Фабрицио Романо: „”HERE WE GO! “
„Испративме факс до Барселона со нашата понуда за трансфер: 4 билети за утрешниот концерт на Бед Бани, годишна претплата за „АаБЦ“ (шпански весник) и кеса семки од сончоглед. Со нетрпение очекуваме одговор за да ја подготвиме „најавата“.“
And remember, it took us just five minutes to create this fake post. pic.twitter.com/zeMEAThm5V
— Atlético de Madrid (@atletienglish) May 29, 2026
Атлетико ја продолжија серијата со ново соопштение, овој пат на англискиот профил на клубот: „И запомнете, ни требаа само пет минути за да ја креираме оваа лажна објава“.
Клубот го заврши сетот „засилувања“ со уште едно „соопштение“ во кое Рафиња беше во главната улога.
„”HERE WE GO! “ И за да го комплетираме 3 во 1, малку се занесовме и ги фрливме сите карти на маса: играчот доаѓа на позајмица за една сезона, а за возврат ги даваме Том Форд и Смит на позајмица без опција за откуп. Неодолива понуда“.
HERE WE GO! Y para completar el 3×1 nos hemos venido arriba y vamos a tirar la casita por la ventana: el jugador llega cedido por una temporada y a cambio nosotros cedemos a Tom Ford y Smith sin opción de compra. Oferta irrechazable. pic.twitter.com/ChQivcgYFd
— Atlético de Madrid (@Atleti) May 29, 2026
Следната провокација беше насочена кон Деко, спортскиот директор на Барселона.
„Конечно, би сакале да ја искористиме оваа можност категорично да негираме дека сме дале каква било понуда до спортскиот директор на ФК Барселона да се придружи на нашиот тим скаути за бразилскиот пазар“, се вели во соопштението.
Тие го завршија серијата соопштенија со „објаснување“ во кое ја провоцираа и Барселона, медиумскиот притисок што го создаваат и нивната вмешаност во аферата со исплата на потпретседателот на судиите.
„Не, Атлетико Мадрид никогаш не би направил нешто такво. Сепак, во последните неколку месеци претрпевме кампања на вознемирување и рушење на еден од нашите играчи“.
„Интересни протекувања на информации, „лажни вести“, континуирано отсуство на почит, кул верзија на машинеријата што измислува приказни, повици пред директни состаноци… Но, секако, не би помислиле ниту да го имаме потпретседателот на судиите на платен список или да користиме политички услуги за регистрација на играчи. ПОЧИТ и ВРЕДНОСТИ“, заклучија тие.