Поради повредата на стапалото на десната нога Жоао Феликс ќе паузира четири недели. Најскапиот играч во историјата на Атлетико Мадрид се повреди во финишот на натпреварот против Валенсија (1:1).
Повредата на 19 годишникот доаѓа во момент кога пред Атлетико се неколку тешки натпревари и кога тренерот Диего Симеоне бара начин како тимот да излезе од голгетерската криза.
Атлетико во девет кола во Ла Лига има постигнато само осум гола, поради што на последните четири натпревари изиграа нерешено со гол разлика 1:1.
Жоао Феликс поради повредата ќе ги пропушти натпреварите со Баер Леверкузен во Лигата на шампионите, односно со Атлетик Билбао, Алавес и Севилја во првенството на Шпанија.
Феликс летово за сума од 126 милиони евра од Бенфика пристигна во Атлетико.