Лигата на шампионите вечерва влегува во четвртото коло од лигашката фаза.
Најголемото дерби на вечерта е судирот меѓу Атлетико Мадрид и Баерн. Иако не се во најдобра позиција во Лигата на шампионите, станува збор за два одлични тима.
Во последното коло, Баерн ремизираше 2:2 против Арсенал, а имаше и голем кикс против Викинг, во Норвешка беше 3:3. Оваа сезона, Атлетико победи против Реал во првенството, но во Лигата на шампионите загуби од Ливерпул, ремизираше со Штутгарт и го победи само Манчестер Јунајтед.
Атлетико значително ја крена својата форма. На последните осум натпревари, седум пати победија, одиграа нерешено само со Штутгарт. Баерн од друга страна, во мадрид пристигна со огромни проблеми.
Го нема тренерот Венсан Компани, а поради повреди отсуствуваат Мануел Ноер, Џамал Мусијала, Исмаел Саибари, Серж Гнабри, додека настапот на Мајкл Олисе е под знак прашалник. Французинот не го заврши дербито против Борусија.
Барселона и Астон Вила се исто така атрактивен пар оваа вечер. Тимот од Бирмингем блеска во Лигата на шампионите оваа сезона и е на второто место на табелата со три победи во исто толку натпревари, веднаш зад ПСЖ. Досега, Барселона загуби само против Париз, додека Астон Вила има совршени три победи во три натпревари. Во последното коло го демолираа Фенербахче со 6:0.
Интересно ќе биде и на стадионот „Керамика“, каде што Виљареал го пречекува Пари Сен Жермен. Францускиот тим пристигнува во Шпанија со три победи од исто толку натпревари во Лигата на шампионите, а триумфот над Барселона со резултат 4:2 особено одекна.
Луис Енрике изгради тим кој има голем напаѓачки потенцијал, но и способност да го контролира ритамот на играта преку посед.
Виљареал, сепак, не смее однапред да се отпише. Шпанскиот тим може да биде многу непријатен дома, а победата од 3-1 над Наполи покажа дека има квалитет да се натпреварува со сериозни европски ривали.
Сепак, одбраната на домаќините е најголемиот проблем. Виљареал прими голем број голови во првите три кола, а против офанзивно моќниот ПСЖ, таквите слабости би можеле скапо да го чинат.
Вторник, Лига на шампиони:
Галатасарај-Штутгарт 18.45 часот
Шахтјор-Спортинг Лисабон 18.45
Од 21 часот на програмата се дуелите
Атлетико Мадрид-Баерн Минхен
Барселона-Астон Вила
Боде/Глимт-Лил
Манчестер Јунајтед-Рома
Виљареал-ПСЖ
Феенорд-Интер
ЛАСК Линц-Слован Братислава.
Foto/ depositphotos