Реал Мадрид вчера пред 50.000 навивачи го промовираше Еден Азар. Белгиецот на „Сатнтијаго Бернабеу“ истрча во дрес без број, а се претпоставува дека ќе ја носи седумката.
Не е тајна дека бројот 10 му е омилен на Азар, но тој број во Реал веќе има сопственик, тоа е Лука Модриќ најдобриот играч во светот за 2018 година.
Едно од прашањата на промоцијата на Азар беше поврзано токму со бројот 10. Белгиецот се пошегувал дека Модриќ рекол дека нема да му го даде својот број.
„На шега го прашав Лука преку Матео Ковачиќ да ли ќе ми ја даде десетката. Одговорот беше не, што значи дека ќе морам да најдам некој друг број“, рекол Азар и дополнил.
„Во суштина бројот на дресот не е важен, за мене најважно е дека сега сум во Реал“.
Инаку Азар е на почетокот на својата кариера во Челси, во 2012 година не ја доби веднаш десетката, две години го носеше бројот 17 на грбот. Значи ќе мора да почека Модриќ да замине од Реал за да ја добие десетката.