Фудбалерите на Баерн Минхен, во Менхенгладбах ја декласираа Борусија 5:1 на првата позиција, на табелата во Бундеслигата се израмнија со Борусија Дортмунд.
Баварците силно мотивирани по вчерашниот кикс на Дортмунд против Аугсбург, победата ја најавија во првите 11 минути од натпреварот.
По само 120 секунди игра првиот гол го постигна Хави Мартинез, а во 11 минута предноста на Баерн ја дуплираше Томас Милер. До крајот на полувремето домаќините го намалија резултатот преку Ларс Штиндл.
Почетокот на вториот дел донесе нов кошмар за Борусија. Роберт Левандовски им ја врати на Баварците од два гола. Во последните 15 Серж Гнабри зголеми на 4.1, а конечните 5:1 ги постави Левандовски со својот втор гол.
На табелата Баерн и Дортмунд имаат по 54 бода и до крајот ќе водат голема борба за титулата.