Првата сезона на Нико Ковач на клупата на Баерн Минхен ја донесе и првата двојна титула за гигантот од Баварија, откако во финалето на ДФБ купот со 3:0 го победија тимот на РБ Лајпциг за да покажат дека во моментов се најдобриот германски клуб.
Роберт Левандовски не згреши во 29. минута за да им донесе водство на Баерн, а двете одлични шанси на Лајпциг ги „заврши“ фантастичниот Мануел Нојер на голот. Кога притисокот се зголемуваше, Кингсли Коман во 78. минута зголеми на 2:0, за Левандовски да го постигне својот втор гол во 85. минута, кога го лобуваше голманот Петер Гулач.
Мечот беше и збогување на многубројните навивачи на Баерн во Берлин со своите херои Арјен Робен и Франк Рибери кои го одиграа последниот меч за својот клуб.
Enjoy it, @FranckRibery ❤️#RBLFCB 0-3 (87′) pic.twitter.com/I8bhZ6Pohf
— FC Bayern English (@FCBayernEN) May 25, 2019